A la tlai lo

Chapter 4

By Red Wheelchair · ~4 min read

Ka jacket keng chungin in ah chuan ka haw a, Faki chuan ‘vawiin chu i chau hmel hle mai’ min lo ti a, a hmel ka hmuhin a lawm vak lo tih ka hre thei bawk. Hrethiamlo der in Kei chuan, ‘aw, vawiin chu ka chau deuh a ka lu te pawh a na riau mai. mut zal nghal mai ka duh’ ka ti a, Faki chuan ‘chaw i ei dawn lo mi?’ min ti leh a, Kei chuan ‘ka ril a tam lo a, mut zal ka duh, i sawi duh zawng chu naktuk ah ka sawipui dawn che nia’ ka ti a. Pindan ka pan lai chuan Faki chuan, ‘pawn lam ah i ei tawh zawk a nih kha, a nuam em? Khawi hmunah nge? Vawiin a i inkhel en pui nen khan a mi?’ a rawn tih chuan ka lehhawi nghal a, ngeiawm takin min lo melh a, kan inen reng a, chutah Faki chu za em em hian a nui a, ‘man chhuah tak tak i ang a lawm. Ngaih that lohna tur a awm loh te chuan khati khan min melh vak mah ta che dawt in ka puh lo ang che’ a ti a, a nui har har bawk a, min fiam vel mai mai a lo ni zahzel ah ka\n khi sak a, ‘min ti hlauthawng hman a lawm, ka’n mu phawt mai nge aw’ ka ti leh a, ka inher leh chiah tih chuan games khel thawm chu ka hria a ‘Hlua’n games a la khel a law?’ tih leh Hlua awmna lam pan chu ka rual a, eng emaw a chhan ka hriat bik si loh thinurna riau ka nei a ni. In thiam lo aw tak hian Faki chuan, ’ aw.. i lo la haw chuang silo a, ka la khelh tir a nih kha’ a lo ti chul a, Kei chuan thinrim tih hriat takin, ‘nang chu lo ngawi rawh. Ka zirtirna zawm tha lotu zawk hi zirtirna ka’n pe a nge’ tih pahin rema chu ka pan phei a, ‘Hlua Hlua’ ka ti phei tuarh tuarh a, a kut chu ka beng sawn a ‘ka games khelh phal loh bawk a lo khel leh ta. He game bawk maw i lo khelh leh tak he game hi khel tawh suh ka tih che kha, i mumang a buai phah ziah Poem thiam tur a ka tih che kha i thiam tawh em?’ ka ti khur khur a, Hlua chuan, ‘tih palh Apa’ a ti tiau a, ka lainat ang reng khawp mai, hringnun game kheltu in ka fapa games khelh ka khap a ni lek fang si a. Ka in thiam lo chuan vin takin, ‘i room ah va mu rawh’ ka ti a, a tlan lut nghal a. Faki chuan, ‘ngatinge khatiang a naupang chung a i chet tak vak mai khatiangin i tih ngai loh kha.. Pa zaidam tak i ni sia Zual’ a lo ti a, Kei chuan, ‘ka enkawl dan ti harsa zawngin i lo awm tir a, ka lawm reng reng lo” ka ti fiah fak a, Faki chuan, ‘kan buaina hi kan fapa vang a ni lo, i danglam tawh vang zawk a ni. Hun engemaw chen atang khan pasal atana ka neih ‘Zuala’ kha i ang tawh lo ka ti thin’ beidawng aw lek lek hian min ti a, Kei chuan ‘i danglam tawh vang zawk a ni Faki’ ka ti bung nghat a, pindanah ka luh san nghal bawk a.


Zan rei ka chhungte mut reh tawh hnu chuan ka lu bul a cell phone chu ka ban zal zal a, ka lak hnu chuan ka tho a Hriati number ka’n hmet chhuak pap pap a, mahni nupui phone number chhinchhiah thei hawt si lo hian Hriati number hi chu ngaihtuah miah loin ka hmet chhuak thei a ni. Hetia nupuite muttui tawh hnu a chet ziah a ngaih vang hian ka men rei theih phah thei khawp mai. Engatinge maw ni zanin chu vawi sawm panga chuang ka dial chung pawhin a la thei tlat lo. Lung kim lo tak chung chuan kan nu bul ah bawk chuan ka in thawlh leh a, egvangin nge maw hetia ka lo awm ve ringawt ni Kan inngaizawng pawh a ni lo a, mahse ka engemaw tak chu a ni si a ni. Vawikhat chauh mi lungngai hnem ka tumna lamah hetiang hian ka tal buai zo ta si a. Kha mi lungngai khan zun hlauhawm tak, mi phuarbet tlat thei a lo nei tih hre lawk i la a melh pawh ka melh hlek lo tur hi a ni a, tunah chuan a zun in min phuar zo ta si.

Chapter Discussion (0)

Log in to leave a comment on this chapter.

Sign In
No comments yet. Start the conversation!
Next Chapter · Part 5

Chapter 5