Chapter 3
Kanu leh pa an reh rih a mahse ka rilru kilkhat ah erawh chuan engtik ni ah emaw an rawn lang leh ang a engtin nge ka lo hmachhawn ang tih ka ngaihtuah a ka ngaihtuah chhuak zo lo , anih nih kan ni mai ang ruahmanna lo siam vak angai lo e tiin keimah leh keimah chu ka inhrilh tawp mai ani .
Ni aliam ve bek bek a , kanu leh pa chu an teh viau min ngaihtuah tawhlo in ka awm awm a awm tur in min hnutchhiah emawni chu aw tih rum rum chang ka nei tawh mahse nikhat chu hmangaihsanga nen kawt a mut bu kan lo suk lai chuan ka nu leh pa an rawn lang thut a
“Nu “ tiin ka thil tih lai chu ka tawp chat , ka tawlh hnung deuh dat bawk a mahse hmangaihsanga chu ka kiang ah rawn ding vat in ka kut a rawn vuan a
“Bawihi , min hlau suh “ kapa chuan a rawn ti dam dup a
“Min rawn hruai haw in tum anih chuan a teuh lo mai , haw leh vat rawh u . In thil tum ka hre vek tuman hmangaihsanga lak atang hian min la hrang tawh dawnlo ka kalsan tawh dawnlo , in bumma tenawm tak kha lo hmatheh tum tawh suh u “ ka tih chuan kapa chuan a lu a dawm vawng vawng a
“Bawihte , threnhran che u hi kan tum lo hrim hrim hmangaihsanga palai kan lo ngaichang ang . Inneih ni tur kan ruatfel hun ah chauh nang pawh i rawn haw dawn nia . I duhna hi dan beh reng che ka tum tawhlo i nu leh pa hi min ngaidam la chuan hmangaihsang palai hmel kan lo beisei vat ang “ tiin kan chhanna pawh ngaichang lemlo in min kalsan ta a . Rei tak chhung chu sawi mai tur kan hrelo zawk hian chutah harhchhuak zawk in
“Hmangaihsang kapa thusawi kha i hria em ? Enteh kan inneih an phal anih chu “ tiin mittui tlingpam chung hian hmangaihsanga chu ka va melh a , ani erawh chuan min lo pan vat in min kuah a
“Tun ah chuan Pathian hriatpuina ngei in ka nupui i ni dawn ta , kan hmachhawn dun zo tawh khang harsatna tam tak te kha kalsan in kan tan kawl a eng ve dawn ta“ a ti sep a
Tichuan hmangaihsanga pawh chuan palai chu a tir ta ngei a , kan beisei ang ngei in ka nu leh pa pawh chuan an lo dawng tha viau mahse midang tih ang in a karleh lam a ani tur te relfel tur in an inthlah leh ta a
A karleh ah chuan kal leh in ani tur te chu an lo rel fel vek a , tih bung bung kha a rem tawh loh avang in awlsam tak a tih an rawn rel tlu ta a
Hmangaihsanga chuan nui suk chung hian
“Virgin in ka nei dawn che a , vawikhat mah chesual lo in danhnihna in kan inneih dawn anih chu “ a rawn ti chhuak sup a . Kan nui vur vur mai , kan hlimna chu sang tak ani ringawt sang tak
Tichuan kei pawh kan inlam ah let in kan inneih ni tur pawh a hnai ve telh telh a hmangaihsanga leh a thianpa fela leh ka thian tur ruati nen chuan inneih mo kawr tur vel en tur a chhuah kan tum a hmangaihsanga te erawh in coat suit an thui tir a an peihfel vek tawh kei erawh hawh mai ka duh avang in ka hmanhmawh lemlo kha ania, ruati nen chuan kan in ah kan lo nghak ran tawh mahse an lo thleng har phian mai chutah ka phone a rawn ri a fela ani
“Aw in lo thleng tep tawh em ?” Ka tih chuan fela chuan thaw deuh hak in
“Ih , dinpui hmangaihsanga accident “ a rawn ti ta mai , ka thu deuh hnawk a
“Dawt sawi suh infiamna hun anih loh hi “ tiin ka vin nghal tuar
“Dawt ka sawilo , tun ah civil ah rawn chho rawh u , dinpui lo kal vat ru aw . Hmangaihsanga hi ana viau ania “ tiin phone chu a dah zui nghal a , kei erawh ka zawi ngawih ngawih a ka thu reng thung
“Dinpui enge ni ta ? Tinge a “ ruat in a rawn tih tak ah chuan harhchhuak thut in
“Hmangaihsanga , hmangaihsanga “ tiin ka tlanchhuak thut a , step te chu thui viau mahse ka pen pawk pawk a ka mittui phe ruai avang chuan ka tlanna tur pawh chu hmuhchian harsa tak ani, mi chu ka su leh nawk thin mahse ka ngaihtuah hmanlo ka hma zawn ah chuan ka tlan zel a, ka scooty lakchhuah a ken nachang ka hrelo ka rilru buai lutuk avang chuan ka tlan chhuak tawp mai ani
“Dinpui , dini “ ti tuar tuar in ruati chuan min rawn umzui ve a mahse chhang hman ka nilo , hmanhmawh tak chuan ka tlan zel a tichuan kan veng venghlui atang chuan civil hospital chu ka tlan thleng thak a , thaw hlawp hlawp chung in emergency room kawt a lo awm khawm deuh lat lam chu ka pan a fela pawh chuan min hmuh chuan min rawn pan vat
“Dinpui , ih kan lo kal tur kha in veng a lo kawi ai chuan kan in ah bike khan lo phei mai la chuan tah bike i dah ang a dinpuii te chu ka car in kan hruai mai dawnnia , ka ti a mahse alo kal kawng ah a chesual ta ani “ a tih chuan ka thu deuh hnawk a
“Chuan engtin “ ka tih lai mek chuan doctor rawn chhuak in
“A pawi ka ti khawp mai , kan inchhan hman talo ani “ a rawn tih chuan tu chanchin nge a sawi hrilh hranpa ka ngailo, ka thlarau chu a thlawkchhuak ve nghal mai emaw tih tur in ka zawi nghal vek a . Ka na nghal ngut ngut bawk , boruak te chu ka kham khawp lo emaw tih mai tur in ka thaw a rawn sak tawlh tawlh bawk a
“Dini i tha em ? Dinpui “ tia thaw hlawp hlawp a ruatin min rawn sawi chuan ka ding chhuak nghal awt a , ka hmangaih hmangaihsanga chu an rawn nawr chhuak ve mek bawk , a hmel ka hmuh chuan ka insum zo lo ka bawh nghal ruak ruak a
“Hei , hmangaihsang tho rawh tho ta che !!! I kiang ah ka awm hi , ka tah i phal ngailo ani lawm ni ? Tap chung in ka auh lawm lawm che hi harh rawh “ tiin ka sawi nawk nawk a mahse maw ka hmangaih hmangaihsanga chuan min chhan a tumlo a min rawn en lah a tum hek lo . Anbulance ah chuan an hlang lut a ka lut zui ve nghal zat , ka be char char a mahse chhanna pakhat mah ka dawng let miahlo
An in kan thlen chhuan api chuan min kuah chung in alo tap hawm hawm a kei erawh ka ding tawp a , tap leh tur chuang pawh ka wwm tawhlo ka hmangaih lalhmangihsanga chu a thawmhnaw thlak in kuangchung ah chuan an dah lut a ka en reng a mahse tih ber tur erawh ka hre ve hauh silo , a kawr hak te hi en teh u kan inneih ni a hak tur a a thui tir uluk tak a a khai that kha a thih ni ah a ha ta si , a rawng te hi ama duhzawng tak a thlan asin !!! A mawipui em em a , hlim tak khan nuiin a ha chhin kha ania tun ah erawh
A kuang bul ah thu in a hmai chu ka chul ka chul a , a taksa lum nuam tak thin te kha tun ah chuan a lumna chuan kalsan in a vawt thler a , ka vawikhat auh a rawn kal nghal dawr dawr thin kha ka auh lawm lawm pawn a rawn meng der silo , ana ani tih hian a sawifiah phak kher awmlo e
Ka hmangaih lalhmangaihsanga kuang an khuh dawn meuh chuan ka insum theihna chu puak keh in kuang khuh tum tu te chu ka nem sawn a “nilo , khuh suh u thim ah a mu theilo a thim dawn lutuk , khuh suh u hrehawm a ti dawn . Rawn harh leh ta se a mangang dawn lutuk “ tiin ka au tuar tuar a fela leh midang ho chuan min man bet laih laih a , kan pahnih chuan thenhran theih kan nilo a kan chhungte takngial pawn “an ni chu then hran chi an ni lo “ min ti anih kha tiraw ? Mahse tun ah erawh kan hneh theih ngai loh tur thihna ngei chuan min then hrang dawn ta si , ana a ana hi ka va han ti vawng vawng em
“Hmangaihsang harh rawh kha lakbo an tum che kha , ka lak atang in lakbo che an tum ania min kalsan ngaih loh tur thu min tiam ani lawm ni ? I thutiam ah chuan ding ta che “ tiin ka au tuar tuar a mahse chhangtu ka neilo , min khawngaih a min lo tahpui hawm hawm tu te thawm chauh lo chu thawm dang reng a chhuak hek lo
Kan in hmangaihna kha amawi a , a par vul ve tan dawn chauh asin mahse chu a parvul tur chu thliah in a awm a engtik ah mah parvul leh tur chuang awm tawh lo in lakbo in a awm ta , ka hmangaih ka engkim ka in nghahna chu tun ah chuan a awm tawhlo tun ah chuan min chhang tur a awm tawhlo ava na tak em !!!
Keiin a ka duh em em ka in nghahna chu Pathian pawh hian a lo duh ve reng si , a parmawi ve lai ber in Pathian pawh in alo duh ve si a , lei ah parfung chhuahlo mahse van ah parfung chhuah tur in lakbo in a awm ta .
Hmangaihsang kan pahnih sulhnu tam tak theihnghilh theih tawh lo tur te hi kei mah chauh a hriatchhuah a hlimpui a tahpui tur a tan chuan a uihawm mah mah iti ve lo em ni ? Keimah chuah a he khawvel hmachhawn chu ava hrehawm dawn em !!
Kan khawvel hman dun chhung reilo te kha kei chuan nitin zan tin ka tahpui nawn awn awm dawn anih hi , kan in hmangaihna thianghlim tak hi nakin ah kan fate kan la hrilh ang iti kha ania tun ah erawh midang hriat tur in ka ziak chhuak ta zawk anih hi , harsatna tam tak kan hmachhawn dun a , kan tap a kan nui dun bawk bawk a mahse hlimna in min hmuak ve tan chiah tih in nang chuan min kalsan leh ta si anih hi tiraw ?