Chapter 2
A tuk ah chuan hmangaihsanga chuan api bul ah chuan ka chanchin engkim a sawi a , in ru ni hauh silo in kan in ru chu ani te ber mai . A pi pawh chuan pawi ti viau mahse “i thatna tur a Pathian ruat pawh ani mahna “ tiin engmah a sawi buai lem lo .
Nileng in in ah kan awm dun a , kan hlim a kan nui dun hawk hawk a mahse tlai lam alo ni a a damdawi tih chakna chuan a rawng thing leh tan mek , a chal vel ah chuan thlan fim a bawl tak tak a khur deuh dar dar a, ka en reng mahse ka hmu lo der tlat thung hetiang a a awm hi hmuh har ka ti takzet ani .
Room ah a lut sawk sawk a , ka en zui reng a t shirt chu a hak thuah deuh mawlh mawlh chu tah rawn chhuak leh in
“Bawihi ka kal angai ka tihpalh “ tiin min en a , a hmel ah chuan a mumallo ani tih chiang tak in ka hre thei
“Keimah nen kan hneh dawn alawm kal suh”tiin a kut ah ka lo vuan vat mahse min ngai pawimawh lo zet in a kut a ka vawnna chu a dah thla a , dan hman rual loh in a kal zui nghal ka um zui vat a
“Hmangaihsang ,lalhmangaihsang “tiin ka au zui bawk mahse hmuh tur a awm tawhlo ,mihring hian thil sual kan tih dawn a tlanbo san ngai a awm chuan bikbo na tur hi kan lo hre khawp mai . Tiang chiah chuan ani pawh a bibo nghal hmak mai .
Zan ah chuan inthiamlo deuh in a rawn lut a room ah ka zui lut nghal vat
“I ril atam em ?” Ka tih chuan hnuailam melh deuh ran in a lu a thing a
“Min kalsan zawk mai rawh ? In nghahna tlak ka nilo ,ka bul ah chuan rilru hah reng reng in i khawsa ang a nakin ah ka thi lai hmel duhlo chung in i en angai bawk ang “ a tih chuan a kut chu vuan in ka mittui a tla nghal sawk
“Hmangaihsang Pathian kan nei alawm ,ani chuan kan tan a tha tur in engkim a ruat thin “ ka tih chuan a chek deuh hluk a
“Pathian a ? I sawi thin Pathian chu ka tan a awm velo “ a tih chuan ka na takzet , tiang em em a beidawng hian ani maw alo awm ni
“Pathian awmlo se nang i awm dawn bik em ni ?” Tiin ka en a
“Alo awm anih pawn kei lalhmangaihsanga tan hi chuan a awm velo ani mahna “
“A awmlo tih fiahna i neilo , tun thleng a ila thawk ve theih chhan chu amah a sin “
“Bawihi, ani kha awm se chuan maw tiang hi ka nilo ang “ tiin thawk ala deuh hak a
“Naupang te ka nih laiin ka nu leh pa min laksak a , chu mihnu reilo te ah ka pu min laksak leh in kei leh kanau leh kapi chiah min hnutchhiah a . Kapi khawhar zia leh mal zia te saw i hmu lo em ni ? Tiang a kan chhungkua awm tir tur hian tunge anih bik ? Mi fate pawh nuamsa tak in a awmtir a kei ni ve erawh “ tiin a sawizawm theilo a inhum ruh nasa tih ka hmu thei nghal bawk
“Mi fate chuan maw nu leh pa an nei a , nang erawh in inei velo . I pi i khawngaih a , a khawhar i hlau bawk tiraw ? Mahse tiang a i awm reng chuan i pi saw a hlim in i ring em ?” Ka tih chuan min rawn en a , a mittui a tling pam mai mipa ani a tah em chu a hreh ani tih ka hre thei bawk
“Bawihi , ka tihpalh min pui rawh ?!! Keimah mai chuan a harsa ka ti lutuk “ a rawn ti chhuak a , ka lo kuah vat a
“Bible chhiar ang aw “ tiin a room lehkhabu dahna a bible chu ka va la a , chhiar in ka tawngtai bawk a . Kei ve tehlul eng mah nilo hi Pathian hian lalhmangaihsanga chhan chhuak tur in min dah ani tih ka hre thei , a mi dahna chu kei hian tlanchhiat san ka tum hek lo .
Kanu leh pa in min rawn la be lo , ka lak ah an lungawilo a ni tih ka hrethei bawk . Kapa hi mi luhlul ve tak mai a tih loh chu ti lo hmak chi hi ani ve a , na dawn in eng ang pawn tuar let dawn mahse pa sehhel ve tak anih avang hian a duh loh chuan a duhlo ani tawp mai chu tak chu kei a fanu hian ka lo chhun ve chiah bawk a luhlul ve ve kan in hmachhawn a tu zawk mah mah in tlawm kan tum hek lo chumi avang chuan pafa inkar a khi lian tak a awm phah bawk ani .
A ni 1 na chu harsa lutuk lo in kan tuar a mahse a ni 2 na ah erawh chuan ka hmangaih lalhmangaihsanga ngei mai chu a damdawi chakna nasa tak a thisen a alo chiu luh tawhna chuan rawn thing in khum bul ah chuan a vial ngawih ngawih a , thlantui nen hnap tui nen a kawr hak pawh chu a huh in a huh vek tawh . A taksa za leh na ti lutuk chu awm ngaihna a hrelo , a khur zawih zawih a , a khat tawk in a luak leh thin bawk . A chang in vawt a ti em em a , a chang leh lum a ti leh em em mai bawk a . Thlir a harsa ka ti mahse a kiang a ka awm angai miau bawk si , a bul ah chuan thingthi in ka lo tawngtai a ani erawh hrehawm a tih lutuk avang in a khur dar dar bawk . A khat tawk in a rawn rum chhuak leh hak thin
“Bawihi , ka tlin dawn lo . He damdawi hian maw min thing na tawh lutuk ka tlin dawnlo “ mittui tling pam chung hian a rawn ti a , a chau ngawih ngawih ani tih a hmel ah ka hmu thei bawk .
Ka rilru mangang chuan inchu tlanchhuah san in ka tei chhuak ta tawp a , tiang chuan ka awm tir theilo tlem tlem in a dose kan ti hniam mai ang ti rilru chung in damdawi lei tur chu ka zawng ruai a a mahse kei damdawi chinchang pakhat mah hrelo hian khawi ami nge ka lei ang a tunge zuar ka hre ve der silo vanneih thlak deuh in hmangaihsanga thian kawm thin pakhat hnen atang in ka lei thei hlauh , hmanhmawh tak in in lam ah ka tlan let nghal vat a
Khum bul ah chuan hmangaihsanga chu chau tih hriat tak hian alo mu kawm ngal a
“Hmangaihsang harh teh , i harh em ? Hei damdawi ka lo keng ania “ tiin ka kut ah damdawi leh hriau ka ken reng chu ka melh tlawk tlawk a , kei hian ka ring pha lo hetiang hian ka hmangaih ber tan damdawi lei tur ka zawng ang tih hi , ka tawngtai zo chiah a Pathian hnen ah theihtawp in a nghei theih nan ka tawngtai a mahse minute 30 em pawh a ral hma in ka kut ngei hian ka hmangaih ber ei ral mek tu damdawi chu pek tum in ka keng mek si a , ka awi theilo zawk hial
“Harh teh engtin nge siam tur ? A phut ah hian tui telh tur ami ? Engtin nge ka tih dawn ?” Tiin ka va hnaih zual sauh a
“Hruiau hian ka hip ang a khawi lai ah nge ka rawn chiu ang sawi rawh ?” Ka mittui a dir zung zung a ka mittui kar a tang chuan hmangaihsanga min rawn ban na chu ka hmu phei ruai
“Bawihi , nilo ka nghei tur ani . He damdawi hian tun ah pawh ti khawp a chau leh na hian min siam a tinge i va lei ? Paih bo vang vang rawh ka tawrh tur alawm , ka tuh rah ka seng mek anih hi thihpui pawh ni ila ka tuhrah vek ani “ a rawn tih chuan tap tiau chung hian
“I thih ka la phallo , i thih dawn ai chuan ti leh mai rawh , chan che ka duh lo “ tiin ka melh a , harsa ti tak a nui lui sak chung in
“Bawihi damdawi ai a thil ti thei tawngtaina kan nei i tih kha ila hria em ? Tinge damdawi kha i va lei ? Ka lu chung ah hian kut nghat in rawn tawngtai zawk la chu chuan hna a thawk chak zawk lo maw ?” A rawn tih chuan harhchhuak thut in ka pan hnaih nghal ruak ruak a thingthi in a lu chung ah chuan kut ka nghat a , kei hmeichhia a zawng a tlinna reng reng neilo nu leh pa natna tamtak thlen tu hian ka hmangaih humhim a a awm theih na mittui tla zawih zawih a tawngtaiin pathian ka au ta zawk a .
Ni 5 lai kan tawrh ngat ngat hnu chuan zia awm lam a pan a , mahse a khur ru der der leh hrehawm a tih rukna erawh ka la hmu fo mai , zan lai ah te a thlan nasat lutuk avang in a tho a ava in tleuh leh a , mu theilo in a let kual a let kual bawk thin mahse chu ti lutuk a tawrh harsa erawh ani tawh biklo ani mahna
Thla 1 a liam meuh chuan in a hmel pawh hmuh theih khawp in a tha tawh a , college kal zawm a duh tawh loh avang in bazar ah kapi dawr nghak chu kan pahnih a pui in kan kal thin , tlai ah exer lakna a ni mai a tih tlat avang in ke in ka haw thin bawk . Kan pahnih a khawvel chu kan khawvel kan din tirh lai ang mai khan a parvul leh mek hian ka hre thin
Zan ah mutna ah chuan min rawn hnaih zual sauh in min rawn kuah a
“Bawihi “ a rawn tu thum deuh dut a
“Immm” ka lo ti mai
“Enteh nupa tak tak kan nih hma chu sex hmang lo ang aw , tun ah chuan nupa tak tak kan la ni silo . Mi hian nupa sawi in min sawi fo thin mahse inu leh pa rem tih hun ah ka mei che nga tah chuan sex pawh kan hmang chauh ang “ a rawn tih chuan ka melh vawng vawng ringawt , duh ni ngat sela chuan min khawih chhe thei lutuk a tan a ka in phal zau zia leh a lak a ka sih hnip zia engkim a hre bek mahse chuti chung chuan ani chuan kan inneih tak tak hun ah chuan sex hman a duh thu a sawi a chu chuan a puitlin zia min hmuh tir ka ti lo theilo
Mipa tamtak chu nise an thei khei pawh in ka ringlo
Nikhat chu kan dawr kal haw in a kan lut chiah chu ka nu leh pa an lo awm reng , mak ka tih lutuk avang chuan in ka chil ka lem khawlh a ka ding ngil nghal awt bawk
“Bawihte tiang a inneih silo a awm reng chu intan pawh a zahthlak a kan tan pawh a mualpho thlak lutuk , chuvang chuan lo haw phawt la in awm dan tur kan ngaihtuah tha dawnnia “ kapa chuan alo ti nghal zung zung a
Hmangaihsanga chuan thutthleng awl ah chuan min thutpui vat a
“Bawihte , a mualpho thlak emai lo haw phawt rawh “ kanu chuan a rawn ti ve bawk
“Nilo , ka lo haw dawnlo . Hmangaihsanga bul ah hian ka awm dawn nangni chuan in duhlo a a sim theilo ang in tia mahse hei Pathian vang in a sin tawh chuan a bul ah hian ka hlim bawk “ ka tih chuan kapa chuan nui chung hian
“Kan kai hrang dawn che u tihna ani hlei nem , lo haw phawt la in neih lam te pawh kan ngaihtuah dawn alawm “ kapa in a tih chuan hmangaihsanga chuan
“Bawihi va haw phawt la palai te pawh mumal tak in kan rawn tir dawnnia , inu leh pa phalna thlap in kan innei dawnnia ka tih kha “ alo ti dam dup a
“I thawmhnaw te va la la “ kanu in a tih tak ah chuan hmangaihsanga chuan room ah min luh pui vat a
“Thawmhnaw lak tur pawh ka neilo , engmah ka lo keng lut lo a tlem a zawng kan lei kha ani mai . I thawmhnaw ka ha ngun bawk si “ ka tih chuan min nuih zeuh in min rawn kuah a
“Ka nupui diktak niin he inchhung ah ngei hian ilo lut leh dawnnia “ a tih chuan ka lu ka lo bu nghat
“Min kalsan dawn lo tiraw ?” Ka tih chuan ka chal ah rawn fawp in
“ka thawk ve tek tek chhung chuan ka kalsan lo ang che , nang vang in tiang dinhmun hi ka thleng leh thei a ka tan a vantirhkoh ini a engtin nge ka kalsan phal ang che “ a rawn tu a
Tichuan ka nu leh pa chuan min hruai haw a mahse kan rin leh beisei ang in engthil mah a thleng ta hauh lo mai , kapa chuan ka phone chu min chhuhsak in room ah min luhtir nghal a room kawngka chu a kalh nghal bawk , kei chuan kawngka chu chum dawt dawt in
“Pa hawng rawh !! Mahni thusawi ah pawh ding zolo pa maw i nih a ? I nihna te hi hre ve ta che , kohhran leh khawtlang ah theihtawp in i inhmang a mahse i fanu lak a i chet duh dan erawh ramhuai ai pawn i hlauhawm zawk “ ka ti tuar tuar a mahse chhang tu erawh ka nei hauh lo thung .
Ni 6 na ah chuan rin ang ngeiin hmangaihsanga palai te chu an lo kal ta ngei a mahse kapa chuan
“Aaa , an la thleng thuilo bawk a ti hian bawihi pawn a zirna te chhunzawm phawt se , inneih chu ala hmanhmawh thlak loh “ a lo ti fel et anih chu , a chhan dan chuan min run khawp mai . Palai te chu zui haw ve daih ka duh rum rum mahse kanu leh pa hian ven takte in min veng a pawn ka chhuah hlek pawh an phallo chu ani ber si a
Hmangaihsanga beidawng tur zia ka mitthla a , min biak ngaihna a hre dawn bawk silo ka ngaihtuah ngamlo ka tah chhuak ut ut in ka na ngawih mgawih , hun harsa tak a paltlang mek ani si a a nunhlui ah bawk a lo let leh ang tih ka hlau takzet ani
A tuk chaw kan ei lai chuan kapa chuan
“I rai em ?” Min rawn tih chuan ka chaw ei lai ka tawp chat
“I ngaih ang a sual kha ani lo , ani nen khan awm dun mah ila in rem tihna thlap a kan inneih hma loh chuan ani khan min khawih a tumlo “ ka tih chuan kapa chuan min en reng mak a ti ve ang tih ka ring mahse hmangaihsanga a ngai chhe lutuk hian min tina a a felna lai hi hria se ka duh ani
“A that hlauh chu , eng em a thlenglo bawk a ti khan nang pawn zawi zawi in i theihnghilh ve mai ang “ a ti sam et a chu chuan ka thin ti rim in ka chaw ei lai ka tawp chat a ka tho zui nghal bawk
“I ngaih ang a sual anilo ani ai chuan i sual zawk , pawnlam lan dan ah i buai a an chhungril nun i hre hauh silo . I tawngtaina hian inchung pawh a pelh ka ring ta hauh lo mai vanlalfel i fel lutuk a mi thalo i hmu theilo anih kha , lei dan ringawt in i fel a vanram i thlenpui bik hauh in ka ringlo “ ka tih chuan kanu chuan ring tak hian “laldinpui “ a rawn ti tuar a mahse ka lo nui lui suk a , hlauhna chhan vak tur ka nei in ka hre tawhlo thinrimna chuan min bual hneh em ani
“Nu nang pawh mi fate fel loh na lai i hre em em a , an nu leh pate bul ah erawh an la that tur thu leh tawngtai tam tur a i duh thu i sawi chamchi a i fanu tan hian tihtak zet in i tawngtai ve tawh em ? I fanu hmangaih em em in damdawi a nghei theih nan vawikhat tal i dil tawh em ? Hah he inchhung hi lem channa a nih hi tu mai pawh hi lemchang kan ni lem chang “ ka tih zawh rual chiah chuan ka biang a rawn ri nghal chawk , ana lutuk chu ka lu a hai muai muai in ka hria , ka hawi chhuak chiah chu mama ( ka u ) nen kan in hmachhawn ran mai
“Tun dinhmun i thlen theihna hi ka nu leh pa an ni asin , i tan tha thur engkim an ruahman tih hre rawh . An hmangaihna che hi rul dawn la i rul zo theih bawk lo ang , engtin pawn lo ti che sela an fa ini tih let ve theihna dan i neilo “ a rawn ti chang fak a , ka ngawi chiang ngei mai tum bur chung in ka room ah ka lut nghal a . Mama hi chu a tawng tam lem lo a mahse a tawng chhuah ve thung tawh hi chuan ka hnial ngam ngailo hrim hrim ,zaidam tak nisi hian a thinrim erawh in khua ahmu tlatlo
Ka khum ka thlen rual chuan ka bawkthlawp a ka tap khur nghal char char
“Dinpui , kei chu kum 10 pawh liam mahse miten addict thin kha tiin min la sawi ang a tuma rin ka hlawh leh tawh ngailo bawk ang , engang pawn fel mah ila ka thil tih tawh chuan nasa tak in min vaw let nitin ang a itan pawh ala zahthlak zel dawn mahse nang leh Pathian vang chauh in ka nunhlui zawng zawng hi kalsan ral rat ka duh “ tia thlamuan hmel tak a hmangaihsang an min hrilh lai te kha ka mitthla uai uai a ka na lutuk chu ka chhing leh sawk ringawt , a rinchhan ber kei ka awmlo anih chuan engtin tak a khawvel chu lo hmang chho ve ang maw . Nilo ani theilo
Ka tho thut a , ka bag ah chuan ka thawmhnaw ho chu ka khung khawm mawlh mawlh , ka mamawh tur ang ang chu ka keng kim vek a let leh ka tum tawhlo . Zanlai nghak chuan ka room ah ka thu ngawi ta reng a
Dar 1:00am ani , sana chek ri tlak tlak bawk thawm hriat tur a awmlo muangchang in ka room kawngka ka pawt de de a kapa in alo kalh lo hlauh , ka thaw deuh huai a thawm dim thei ang ber in step a chhuk in kawngka pui chu zawi te in ka hawng a . A ri deuh rak a mahse thawm dang hriat tur a awm lo an mu nghet tawh pawh ani mahna
Ka scooty chu muangchang in ka nawr chhuak dem dem a kan in piah ah ka ti nung ngam chauh hmanhmawh tak in hmangaihsanga te in lam chu ka pan vat a , an kawt ka thlen chuan thawk la hak in kawngka ka kim nghal dawt dawt
Hmangaihsanga pi chuan kawngka chu lo hawng in min hmuh chuan a phawk hra ani tih ka hre thei , tawng miah lo chuan ka lut nghal thawt ah thutthleng ah thu in hmangaihsanga pi chu ka en a
“Pi , a pawi ka ti ka zah loh vang leh ka ngaihnep vang che a ni hauhlo mahse thlan tur dang ka hrelo a hmangaihsanga tello chuan khawi mah nuam ka ti hek lo chu vang chuan zahpawh dawn zo lo in ka lo kal tawp “ ka tih chuan hmangaihsanga pi chuan
“In pahnih inkar hi chu a buai ve ani tiraw ? Mahse kei lehzel erawh in inkar a tlakzeh ka tumlo ka tupa hi a fello tih ka hria mahse ti chung pawh a ila pawm anih chuan kei chuan ka hniallo “ a rawn ti ta a ka thaw deuh hawk nghe nghe
Reilo te ah hmangaihsanga chu ava kaitho a , min hmuh chuan a mengphawk deuh mahse insiam rem vat in a room ah min kai lut nghal a
“Bawihte haw leh vat rawh , i tan leh ka tan pawh a tha zawk . I nu leh pa “ a tih lai chuan a hmui chu hup sak in ka kuah hle hle a , “kei ber in ka hmachhawn ngam chuan min hmachhawn pui ngam ve lo em ni ? Nang nen chuan eng pawh kan hmachhawn dun thei ang i tih thin kha “ ka tih chuan ka hmui ah rawn fawp in
“Kei kher min hmangaih hi chu i vanduai ani tiraw ?” Thaw hak hian a rawn ti chhuak a
“Piangnawn leh mah ila nangchauh ka hmangaih tho ang che “ ka lo ti ve sap bawk .
“Ka hmangaih che “ a tih chuan lo nui suk in , “i kiang a awmhlen tur in ka lo kal tawh “ ka ti zawi sap a