Lalhmangaihsanga

Chapter 1

By Sangsangi Khawlhring Lunglian · ~14 min read

“He damdawi hi maw kei ai a i thlan chu ?” Tiin ka hma a ngawi ngul a ding chu a mit ah tak ka en a sawi tur nei ni awm tak in a ka a ang zuai a mahse ka lo melh nat em avang nge mawni a chip zui leh nghal hmak



“Khawimaw lo la teh ? I hmangaih leh duh ber chu kei pawn ka duh ve alawm eng ang tak a nuam nge anih in tem dun ang hmiang ?” Tiin a kut a chhin sen a hum reng chu ban ka rual a



“Laldinpui ti miah suh , kalsawn rang rawh “ a tih chuan za lo tak a nui lui suk in



“Ka hmangaih ber in a a kalsan phal loh chuan eng ang tak a nawmna nge a thlen ka hre ve chak alawm , a tul leh hremhmun ah kan tla dun ang a ni mai “ tiin ka melh leh kal a



“Laldinpui haw la haw vang vang rawh vawikhat mah rawn hawi let suh “ sehchilh deuh nawk nawk hian a ti a , a hmel leh a chet dan ah damdawi a mamawhna chu a sang tawh hle ani tih ka hrethiam



“He damdawi hian ka thisen zun zam luh chilh in zawi zawi in min ei chhe mek zel a sin , ka zawp ral vek thleng hmuh i duh em ni ? Ti hian kei chu zawi zawi in ka boral mai dawn nun thar a nun i hman a hun tawh takzet ani , khawngaih in min hmangaih anih chuan kal rawh “ a mitmeng fiah kak a min en chuan a ti zawi sup a



“Chuan damdawi hi thihchilh i tum tihna maw ? I thih hma loh chu khawih i tum maw ? I thihchilh tum mek damdawi chu eng ang tak a ropui nge anih ? Kei pawn chutiang tak a ropui chu ka tem ve duh alawm , hawh ti dun ila kan pahnih in he lai kawngsir ah hian i thi dawn law law ang hmiang “ Tih pah in a hriau ken lai chu ka ban a , thinrim tak a min melh in min thing nawk nawk a

"I sawi thin Pathian hi ka ta ani velo a sin ! Ka nu leh pa ka naupan laiin min laksak a chuan tun ah ka duh vang nilo in he ngawl veina ah hian min hnuk lut leh a engkim hi ka duh dan ani bik lo a sin "

.

"I duh dan ni silo tinge i tem chhin ? Pathian hian thlei bik nei in mi a hmangaih i tihna em ni ? Huizz, hmangaihsang tak zet che hian" sawi tur reng ka hrelo , a thusawi mal tin khan min tina ngawih ngawih ani ber mai

"Vawi1 chiah tawngtai dun leh ang hmiang !! Khawngaih in " a ngen in ka ngen ni ber tawh , ka beidawng takzet bawk ani . Tun ah hian tu pawn min hmu se ka beidawnna nasa tak hi ka hmel ah an hmu thiam ngei ang

"Ka theilo , ka mamawh tawh takzet min dang suh " a kut khur nasa leh atawng seh chilh nawk nawk tawh chuan a mamawh zia kha sawi lo mahse ka hre chiang viau tho si .

.

Tiang mihring hi ani ngailo a sin , ka hmangaih lalhmangaihsanga ngei kha a ni si maw ? Tiang hian a awm ngailo a sin hman ah kha chuan , a tleirawl chhuah khan rawlthar hmeltha leh fel lehkha thiam thei ani a , a rawn tlangval chho a tlangval fel leh mahni inrintawkna ngah em em . Pawn lam vawt tak mahse belh chian tlak em em ni lawi si mihring ka hmangai ka duat em em thin kha ani a sin , kum tam em pawh a liam hma in he ti em em hian maw alo hnung tawlh a

.

"Dinpui min kalsan rawh !!" A rawn tih tham leh tiak tak ah chuan ka maimi chhing sawk a , ka mittui chu ka biang ah a rawn luangthla lum nghal pap bawk

"Ka lo nghak ang che , saw tlai deuh ah sawn " ka la ti ve fan tho nia , ni e min kalsan rawh ti sawmsarih mahse kei hian engtik ah mah ka kalsan ngai lo ang .

.




“Mate kal phawt teh khawngaih in “ ngen ngawl deuh hian a rawn ti leh a chhan pawh chhanglo in ka lo la melh ngat ngat thung




“Ka rawn be dawn che nia “ ti pah in ka chal ah a rawn fawp a , ka rilru no rawn chhuak in ka mittui a tla zung zung a




“Min rawn biakna tur phone pawh i nei ami ? I hralh tawh kha “ ka tih chuan a nui suk a




“A awm mai ang “ tih pah in min kuai her a min nem zui dawt dawt a , ka thinlung tawt lutuk leh na lutuk avag chuan ka kal hmawk hmawk a tunge ka bul ah awm a miin min en zui em tih pawh ka ngaihtuahlo a khat tawk in ka mittui tla chu ka hru leh zauh zauh thin










Ka hming chu laldinpuii niin tun ah hian college ka kal mek ani , u pakhat ka nei a mipa ani . Ka nu hian bazar ah thawmhnaw dawr anei a kapa erawh chu high school zirtir tu ani thung .




Tun a ka kalsan tak lalhmangaihsanga nen khan high school kan luh atang a inhre chho in thian tha ang in bul kan tan phawt a hun alo kal a inthian thatna chu hmangaihna ah lo chang in midang thik tham khawp in kan in hmangaih a kan in duhsak thin he damdawi hi kan inkar a alo tlak zeh hma kha chuan mahse tun ah chuan ka hmangaih ber chu damdawi ngawl vei niin ka chhungte hial pawn thlah tur in min nawr nasa mahse ka hmangaihna avang erawh in kalsan mai erawh ka tum bik der silo , chu chuan kan chhungkua thleng in min hrem a chhungkaw in hau ngai reng reng lo kha tun ah chuan hlim ni reng kan nei ta lo chu anih si hi






Inchhung ka lut chiah chu ka hmai a ri nghal sawk

“Pa “ tiin ka hma a thinrim tak a ding khur deuh dat dat kapa chu ka melh reng a , tiang em em a a thinrim hmel hi ka la hmu ngailo




“Khapa nen khan enge in tih ? Inkawp tawh lo tur cheu in vawi engzat a tam nge ka hrilh tawh che “ a tih chuan chhan ngaihna ka hrelo ka ding deuh tawp a




“I hmu ani tih ka hriat leh chuan apawi khawp ang , thusawi reng reng awi duhlo fanu ka nei ang tih hi rin harsa ka ti khawp mai . Laldinpui insiam tha rang rawh “ tiin a vin leh tuar




“Bawihi i room ah chho phawt rawh , chuan lalhmangaihsanga kha chu hmu tawh lo la kan duh ani “ kanu chuan a rawn ti vat a , muangchang in ka room ah ka chho a ka rilru hah chang a ka tih ziah dan in ka thawmhnaw chu phelh in bathroom ah chuan shower in ka va in phuh tir leh char char a




Darkar khat dawn ka inphuh tir hnu chuan duhtawk in ka in thlak fel a khum ah chuan ka bawk thlawp a




“Kan inkar ah hian engthil mah tla zep suh se , kan pahnih ai a pawimawh an awm tur ani lo . Nakin ah chuan innei in fate kan la nei ang a chutih hun ah chuan kan fate hnen ah kan in ngaihzawnna thianghlim zia leh mawi zia hi kan la hrilh dun dawnnia “ tia lalhmangaihsanga thusawi kha ka beng ah a ri nawn awn awn a mahse tun ah chuan ani chuan kei aiin damdawi a thlang a , kei aiin a hmangaih tawh zawk si . Kei ngei pawh hian harsa tih chang leh beidawn ngawih ngawih chang hi ka ngah thin mahse maw ka hmangaih a harsat ber lai pawh a zui tur in thu ka ti tlu tawh , a harsat lai ber a ka thlahthlamanih si chuan engtik ah mah nun nuam a ka nun hi ka inbeisei ngam tawhlo




Zan ah chuan ka phone chu a rawn ri a no hlawng ani




“Hallo “




“Bawihi i tha em ?” Rawn ti tu chu amah ngei ani




“Tha se min ti em ni ? Kha thil i ti tih hre reng chung khan kei hi hlim tak in awm se min ti em ni ?” Tiin ka hau zui a




“A pawi ka ti , i nat hi ka phal ngailo . Kei chuan natna bak ka thlen silo che a khawngaih in inthen mai ang ? Itan pawh a tha zawk “ sehchilh deuh nak hian a rawn ti a




“I harhfim hun ah kan in be dawnnia “ tiin phone chu ka dah zui , be chaklo ka nilo mahse tiang a inthiamlo lutuk a a awm hian ka khawngaih a ka duh thlanna a hmangaih ka nia ka duh thlanna vek a kalsan theilo ka ni chu vang chuan kei hian a inthiamlo hmel hi ka hmu theilo ani




Ka thiante pawn maw “sawkai dil ah sawn sangha pakhat chauh a awmlo , i man sa ai lian leh tha kha a tam lutuk an ti thin mahse kei erawh chuan ka mansa hi ka duh a a ai tha leh nalh tamtak awm mahse ani hi ka man hmasak ber ani a ,enkawltur in ka intiam tawh ka chhuah leh thei lo “ tiin ka chhang mai thin








A tuk college ah chuan hmangaihsanga hmel hmuh tur a awmlo , bang bo tak in ka hawi kual ruai a mahse ka hmu miahlo phur lo tak in class chu ka chhuahsan a kawt ka thlen chuan tu emaw hian ka ban ah kaiin min kalpui dawr dawr a ka han en chuan hmangaihsanga ani




“Ana ania min thlah teh enge ?” Ka tih chuan inthlahrun hmel deuh hian min melh a




“Bawihi ka tihpalh ih thi ka pek che kha min lo pe let leh lawk mai teh ? Ka tiam a che ni 3 hnu ah ka pe let leh ang che “ inthiam loh hmel tak a atih chuan ka mittui a tla




“ tun ah chuan i thil min pek ngei pawh hralh duh tur khawp in damdawi hian a ti aaa tawh che em ni ?” Ka tih chuan ka lu chu a khawih zeuh a




“Ka hralh dawnlo ka pe let leh nghal dawn che ka tih chu “ tihpah in ka nghawng a ka awrh ka thi chu a rawn ban a kei lah in pek mai ka tum lo




“A theih loh hei chu nilo “ tiin ka lo vuan lui ve tlat a




“Khawngaih in ka pe let leh em em ang che “ tiin a rawn phih thla a




“Ka tihpalh kan in hmu leh dawnnia “ tiin a bike ah chuan chuang in min tlan san ta a , ka thinrim tih ngaihna hrelo chu ka thu hnawk a , tiang mihring ni tur hi chuan ka ring phallo a sin tiang a a mize inthlak nasa tak te hi kei chuan awi har ka la ti fan tho nia mawle .




A zan ah chuan ka phone a rawn ri a

“Hallo “ ka tih rual in kan thiannu madiki chuan




“Dinpui hmangaihsaga chanchin kha i hre ve tawh em ?” A rawn ti nghal thawr a




“Hrelo enge ?” Ka thin chu a phu nghal dawt dawt a ka tha khur in ka sa chhuak nghal vek bawk




“Ih a od a tun ah civil ah an tlanchhoh pui mek “ a rawn tih chuan mangan na in min rawn tuam nghal pup pup a ka tha khur nasa zual sauh in tih tur ber hre silo hian ka phi chung a




“I tha em ? Rawn hruai i ngai em ?” A rawn tih chuan bah deuh nawk hian

“Aaa, ih aw ka tha hruai ka ngailo ka lo chho ve nghal ang nang pawh i i awm tawh ami “ ka tih chuan




“La awm bik lo , ka kal dawn chiah kan in hmu dawnnia “ tiin phone chu a dah a rang zet in ka helmet leh chahbi chu ka la a inhnuai lam ah ka tlan thla zui nghal




“Laldinpui lo ding teh khawnge i kal dawn ?” Kapa in a rawn tih chuan ka ding chawt




“Tun ang zan ah khawnge kal i tum ?”




“Pa , ih ka kal angai “ ka ti ta ringawt a




“Kha mihring bawk kha em ni i buaipui leh dawn ? I kal anih chuan i lo let tawh lo ang “ a tih chuan ka ding ngil nghal awt




“Pa khawngaih in ka kal ngei ngei angai ani “ ka ti leh a mahse kapa erawh chu lehlam a hawi a




“ i duh chuan kal ta che , i chhungte nge i thlan ani kha kan hria ang chu “ ti chauh in min chhang




Mahse kallo thei ka ni lo hmanhmawh tak in ka tlanchhuak a kapa min auh zuina pawh ka hria mahse khawmuang thei ka ni tawh lo








Damdawiin ka thlen chuan madiki leh kan thian dangte chu an lo awm khawm thap a




“Khawnge ? Khawnge hmangaihsanga chu “ tiin ka au chul a




“Insum teh , a lo harh chhuak tawh reilo te mu hahdam se kan hawn pui thei tawh ang “ madiki chuan a rawn ti vat




Hmangaihsanga hi api leh a nau mipa pakhat nen an cheng a anu leh pa hian an naupan laiin an boral san tawh a , tun ah hian bazar ah a pi in thawmhnaw leh pheikhawk dawr anei a ,a pu pension an la bawk . Chhungkaw khawsa thei an nilo a mahse rethei lutuk erawh an ni chuang lo , a pi hi tlem a a tar ve deuh tawh avang in a dawr chu mi nghah tir in hmangaihsanga nau hian school ban ah a va pui ve mai thin ani . A nau hi mipa nisi in a fel em em a a u letling thawk ani , inchhung chet engkim hi a kut ah a dah ani ber zawk .






An rawn kuah chhuah tak ah chuan an in lam ah kan in zui haw ta hlawm a , a room ah mut tir in thiante ho chu an haw pheuh pheuh a an haw zo tawh




“Ila haw ve dawn lo em ni ?” Ti a min rawn melh chuan




“Haw na tur in ka nei ve tawh lo “ ti chauh in ka lo chhang thung




“Dinpui engtin maw ? Eng vang in “ mak tih hmel fe a arawn tih chuan nui lui deuh in




“He tah ka awm ve min phal sak em ?” Ka lo ti let thung a




“Nilo , haw rawh kei chu in nghahna tlak ka ni tawh lo . Beisei tur pakhat mah ka awm tawh loh hi “ a rawn ti chuai deuh raih a




“Beisei tur ala awm alawm , kan pahnih in he thil hi kan hneh thei , chua kei hian ka chhungte kalsan in i hnen ka rawn pan a ka haw tawh dawnlo .” Ka lo ti thung




“Anih chuan engtin nge niang ? Room ruak kan nei bawk silo “




“A ho lutuk i ngaihtuahna kha thianghlim se a tawk mai alawm “ tiin ka va hnaih a




“Hmangaihsang khawngaih in he i damdawi tih hi bansan rawh aw , kei mah vang tal pawn i thei tur ani “ tiin a kut ah vuan in ka mittui a tla




“Bawihi ka kiang ah i awm chuan engkim hi ka thei em em ang “ tiin ka mittui chu min hruk sak a




A ip te chu zen rak rak in thi a rawn phawrh a , mak ti lutuk in ka lo en




“Hei chu vawiin khan i hralh tawh emaw ka tia “ ka tih chuan nui suk in




“Ka thei ngang lo ani , khatia ti tur che pawh kha ka ni miah lo tih ka hria mahse ka tih angai miau bawk si . Ka tihpalh ani “ tiiin min rawn kuah a , a mutna bul ah chuan min mut tir in ka sam chu a chul heuh heuh a




“Muhil rawh , ka lo veng ang che “ ti sap in ka hmui ah chuan a rawn fawp a .

Chapter Discussion (0)

Log in to leave a comment on this chapter.

Sign In
No comments yet. Start the conversation!
Next Chapter · Part 2

Chapter 2